مرحبااااا اعضااء المنتدا الجميل المميز المزهر >> اخلصي
بصراحة ليا فترة ما نزلت موضوع في المنتدا .. ومواضيعي تقريبا كلها شكاوي
فعشان كداا .. قررت اني انزل شي اليوم
وحبيت تكون قصة قصيرة حلوة تساعدني اني انام >>>>> يا خوفي انام عالكيبورد
خلينا نبدأ في سردها عشان نخلص اليوم
كان يا مكان في قديم الزمان ..
كان في عصفورة طبخت عيش وحطت العيش عالطربيزة وراحت تملي موية عشان تغدي عيالها >> مدري تعشيهم
لمن رجعت شافت العيش مفقود (( متعوب عليها الكلمة
التفتت يمين ويسار لقتو مع الغراب فوق الشجرة
قامت تصررخ فيه : هااات العيش هاداا الاكل لبزورتي ما عندي دقيق تاني اسويلهم
قلها :انقلعي خلاص انا باكلو
قامت تفكر في طريقة عشان ترجع العيش .. فكرت وقالت في نفسها خليني اقول للشجرة تنزلو منها
ناادت : يا شجررة اطردي الغراب منك عشان الغراب سرق عيشي ومو راضي يرجعلي هوا
الشجرة : انا مالي
راحت قالت للفلاح : قص الشجرة عشانها ما تبغا تطرد الغراب منها عشان هوا سرق عيشي
الفلاح : انا مالي
راحت قالت للملك : اطرد الفلاح عشانو ما قص الشجرة اللي ما رضيت تطرد الغراب اللي سرق عيشي
الملك : انا مالي
راحت للملكة قالت لها : ازعلي من الملك عشان مو راضي يطرد الفلاح اللي ما يبغا يقص الشجرة اللي ما طردت الغراب اللي سرق عيشي
الملكة : انا مالي
راحت للثعبان قالت لو : عض الملكة عشانها ما رضيت تزعل من الملك اللي ما طرد الفلاح عشانو ما قص الشجرة اللي ما رضيت تطرد الغراب اللي سرق عيشي
الثعبان : انا مالي
راحت للعصااية قالت لها : اضربي الثعبان اللي ما يبغا يعض الملكة اللي ما تبغا تزعل من الملك اللي ما طرد الفلاح عشان ما قص الشجرة اللي ما رضيت تطرد الغراب اللي سرق عيشي
العصاية : انا مالي
راحت للنار قالت لها : احرقي العصاية اللي ما ضربت الثعبان عشانو ما عض الملكة اللي ما زعلت من الملك اللي ما طرد الفلاح عشان ما رضي يقص الشجرة اللي ما رضيت تطرد الغراب اللي سرق عيشي
قالت لها : انا مالي
راحت للموية قالت لها : اطفي النار عشان ما تبغا تحرق العصاية اللي ما تبغا تضرب الثعبان اللي ما يبغا يعض الملكة عشان ما زعلت من الملك اللي ما طرد الفلاح اللي ما قص الشجرة عشان ما رضيت تطرد الغراب اللي سرق عيشي
الموية : انا مالي
راحت للسمكة قالت لها : اشربي الموية عشان ما تبغا تطفي النار اللي ما تبغا تحرق العصاية عشان ما تبغا تضرب الثعبان اللي ما عض الملكة عشانها ما زعلت من الملك اللي ما طرد الفلاح عشان ما قص الشجرة اللي ما طردت الغراب اللي سرق عيشي
قالت لها السمكة : انا مالي
راحت للبسة قالت لها : كلي السمكة عشانها ما رضيت تشرب الموية اللي ما رضيت تطفي النار اللي ما حرقت العصاية عشان ما ضربت الثعبان اللي ماا عض الملكة عشانها ما زعلت من الملك اللي ما طرد الفلاح عشان مو راضي يقص الشجرة اللي ما تبغاا تطرد الغراب اللي سرق عيشي
قالت لها : فينها انا اكلها
في هادا الوقت وصل خبر للسمكة انو في بسة متحمسة تاكلها قامت غيرت رايها قالت خلاص انا حشرب الموية اللي مو راضية تطفي النار عشان ما تبغا تحرق العصاية اللي مو راضية تضرب الثعبان اللي ما عض الملكة عشان ما زعلت من الملك اللي ما طرد الفلاح عشان ما قص الشجرة اللي ما تبغا تطرد الغراب اللي سرق عيش العصفورة
>> اعذروني لو فيه خطأ املائي او في الحبكة >> تنحت
الموية لمن سمعت انو السمكة حتشربها قالت خلاص لحد يشربني انا حطفي النار اللي ما رضيت تحرق العصاية عشان ما ضربت الثعبان اللي ماا عض الملكة اللي ما زعلت من الملك عشان ما طرد الفلاح اللي ما رضي يقص الشجرة عشانها ما تبغاا تطير الغراب اللي سرق عيش العصفورة
النار سمعت قالت لا لا خلاص انا ححرق العصاية اللي ما تبغاا تضرب الثعبان اللي ما عض الملكة عشان ما زعلت من الملك اللي ما طرد الفلاح عشان ما قص الشجرة اللي ما رضيت تطرد الغراب اللي سرق عيش العصفورة
العصاية قالت لا خلاص انا حضرب الثعبان اللي ما رضي يضرب الملكة عشانها ما زعلت من الملك اللي ما طرد الفلاح عشان ما قص الشجرة اللي ما طردت الغراب اللي سرق عيش العصفورة
االثعبان قال لا خلاص انا حعض الملكة عشانها ما زعلت من الملك اللي ما طرد الفلاح عشانو ما قص الشجرة اللي ما رضيت تطرد الغراب اللي سرق عيش العصفورة >> جد الحالة صعبة
الملكة قالت لااا خلاص بزعل من الملك عشان ما طرد الفلاح اللي ما قص الشجرة عشانها ما تبغا تطرد الغراب اللي سرق عيش العصفورة
الملك قال لا لا تزعلي مني خلاص انا بطرد الفلاح اللي ما قص الشجرة عشانها ما تبغاا تطرد الغراب اللي سرق عيش العصفورة
الفلاح قال لاا خلاص اناا بقص الشجرة اللي ما رضيت تطرد الغراب عشان سرق عيش العصفورة
الشجرة قالت لا خلاص انا بطرد الغراب من غصني بس لحد يقصني
الغراب لمن سمع انو حينطرد قال لا خلاص لا تطردوني انا برجع العيش للعصفورة
العصفورة فرحت اخدت العيش وراحت تاكل هيا وعيالها
وعاشوو في سعادة ووئام .. بعيداا عن ازعاج الغراب اللئيم ..
نصيحة : اتجهزوو للنوم قبل ما تقرو القصة لانو حتى اللي مو نعسان حينعس
^^^
النصيحة في الاخير ابوو التناحة
تصبحوو على خير قايز
م ن بقوووه كاكوو
فراشة الربيع
