هلا اعضــائي الحلوين
اليوم جايبتلكم عن الزواج في عام 2016
يرن جرس الباب بروح صاحب البيت يفتح بلاقي جماعة جايين على الموعد بالزبط ,الجماعة اللي همة الشاب واسمة "سمير"وامة وابوة, جايين يخطبوا البنت واسمها "سارة" برحب فيهم ابو سارة وبعد السلام والكلام ومرحبا فيكم وكيف الحال ,يدور الحوار التالي ...ابو سارة :ها ياسمير ,شو بتشتغل ؟
سمير :انا بشتغل في مجال الانترنت.
ابو سارة :مبرمج يعني ؟ماشاللة ..ممتاز..
سمير :لا ياعمي انا مو مبرمج .
ابو سارة :اكيد مصمم غرافيك اذا هيك ..هادا المجال الو مستقبل كبير.
سمير :لا ياعمي انا حاليا مشرف منتدي الاغاني في موقع "****يب دوت كوم "وقربيا راح امسك اشراف منتدى المسلسلات التركية في موقع "سلامتك من الهسهس دوت نت"
ابو سارة :مشرف كيف يعني؟
سمير:يعني انا بضيف مواضيع وبحط اغاني وبعمل اشتراكات باسماء وهمية عشان احرك المنتدى وهيك يعني..
ابو سارة :واللة ماني فاهم شي ..يعني كم بدفعولك بالشهر في هاد الشغل؟
سمير :لا ياعمي انا اللي بدفع لصاحب المنتدى عشان اصير مشرف..بس قريبا رح افتتح المنتدى الخاص بتاعي ..
ابو سارة :ومنتداك الخاص وين راح يكون مكتبة ؟
سمير:حاليا بالبيت ولما اللة بفتحها علينا بستاجر لة مكتب.
ابو سارة:وهاد المنتدى شو راح تستفيد منو؟
سمير:كيف شو رح استفيد منو ..؟..انا رح افتح المنتدى واحط فية برامج ومسلسلات والعاب والاعضاء رح يشتركوا فية ويصير المنتدى مشهور.
ابو سارة:يعني العضو كم بدفع للاشتراك..
سمير:لا ياعمي ..العضو مابدفع اشتراك ..انا بدفعلة عشان يشترك..
ابو سارة:لا حول ولاقوة الا باللة ..يعني مصدر رزقك من وين ياولد؟
سمير :لما يكبر المنتدى وانشرة على الفيس بوك راح تجيني اعلانات بالهبل.
ابو سارة...؟واللة ماني فاهم شي ..طيب انتا محوش كم؟
سمير :انا ياعمي مابدي اخبي عليك ,عندي حاليا 99دولار فيgoogle adsense ووعدوني يبعتولي الشيك بعد شهرين ورح يكون وضعي المادي ممتاز ,حتى اذا بدك بجيبلك براءة ذمةمن paypal..
ابو سارة:اللة يقضي هالليلة على خير بس....طيب انتا من وين بتعرف بنتي ؟
سمير :تعرفت على سوسو على الفيس بوك وكنا نبعت مسجات ونعمل لبعض pokeاحيانا ..
ابو سارة:يعني معرفة النت بتكفي انك تجي تخطبها .
سمير:ااة ياعمي ..ما انتا مش عارف ...انا جبت 80%في الquizبتاع سوسو ..
ابو سارة:شو هادا لكويز ..
سمير :معقول ياعمي مابتعرف كويز do you know me ?على الفيس بوك؟
ابو سارة:لا بعرفوش ...وبعدين مين هاي سوسو؟
سمير:يااللة ياعمي ...معقول مابتعرف انو سارة اسمها سوسو على الفيس بوك؟
ابوسارة:لابعرفش انو سارة اسمها زفت..
سمير(بكل برود):انتا زعلت ياعمي؟
ابو سارة(بعصبية):بتعرف اذا ضليت قدامي كمان عشر ثواني شو بعمل فيك؟
سمير(بابتسامة غبية ):اكيد بدك تضيفني على الفيس بوك ..وتكتبلي على wall تاعي صح؟
ابو سارة : برااااااااااااااااااا
طبعن ابو سمير وامو استحو على حالهم وروحو بعد اول سؤالين .......
وانشاللة تكون عجبتكم..
كاكو يامشرفه واشرايـــكـ 
سمير من جد مع نفسوووو
