معلومات عن البيض

بسم الله الرحمن الرحيم

طريقة اختبار البيض
تجيب صحن كبير وتملاه موية بارده وتحط فيها البيضة بهدوء
1- إذا غاصت البيضة للقاع وظلت طايحة على جنب يعني عمرها بين ثلاث إلى ست أيام.
2- إذا غاصت بس طفحت شوي على زاوية مايله يعني عمرها أكثر من اسبوع.
3- إذا غاصت بس وقفت في القاع يعني عمرها حوالي اسبوعين.
4- تطفح وما تغوص خير شر يعني خربانه ولازم تحذفها على واحد من ربعك اللي ما تدانيهم بعيشة الله.

عشان تسوي هالاختبار بصورة أسرع بس تبي تعرف البيض خربان ولا لي
ذوّب ملعقتين طعام ملح بطاسة فيها كوبين ماي بارد بعدين حط البيض بالموية
إذا غاص يعني ناجح واذا طفح يعني إعدام

هذا فيديو للتوضيح

http://www.safeshare.tv/v/fAUThul1Czo

ليش نعرف عمر البيض بهالحركة؟
داخل أي بيضة تلقى كيس هوائي، كلما يكبر عمر البيضة كلما حجم الكيس يكبر، واذا كبر هالكيس راح يشيل البيضة في الموية ويخليها تطفح

بشكل عام كم عمر البيض اللي يصلح للأكل؟
غالبا حوالي ثلاث أسابيع

شلون أعرف إذا البيضة مسلوقة زين؟
دوّرها على سطح مستوي، إذا تمايلت في دورانها يعني لسا داخلها سائل ويبيلها سلق زيادة، إذا دارت زين يعني مطبوخة وجاهزة